नाशिक|सर्वच पीकांना अतिवृष्टीचा तडाखा बसलेला असताना द्राक्ष उत्पन्नातही यंदा ३० टक्क्यांपर्यंत घट होण्याचा अंदाज कृषी तज्ञांनी वर्तविला आहे. पाऊस अजूनही थांबलेला नसल्याने बागांच्या छाटणीला (डावणी) उशिर झाल्याने द्राक्ष हंगामही एक महिना उशिराने सुरू होईल.
मेपासून सातत्याने पाऊस सुरु आहे. परिणामी, पीकांना पुरेसा सूर्यप्रकाश मिळालेला नाही. सप्टेंबरमध्ये होणारी द्राक्ष बागांची छाटणी अजून पूर्ण झालेली नाही. ऑक्टोबरपर्यंत ही छाटणी चालेल. साततच्या पावसामुळे बागांच्या काड्या परिपक्व झालेल्या नसल्याने प्रतिएकरी १० टनाचे मिळणारे उत्पन्न कमी होईल. सहा ते सात टनापर्यंत त्यांची घसरण होण्याची शक्यता आहे असे अभ्यासकांनी वर्तविला आहे. द्राक्ष बागांचे संपूर्ण चित्र स्पष्ट होण्यासाठी अजून एक महिना लागेल. त्यानंतर उत्पन्नावर किती परिणाम झाला, याविषयी अंदाज वर्तविला जाईल. आतापर्यंतच्या पावसाने २५ ते ३० टक्क्यांपर्यंत घट झाली आहे. यापुढेही पाऊस राहिला किंवा हवामान ढगाळ राहिले तर नुकसानीचे प्रमाण वाढेल. उत्पादित होणार्या द्राक्षाची गुणवत्ताही ढासळण्याची शक्यता असते. एकूण निर्यातीवर याचा परिणाम होण्याची शक्यता असल्याने शेतकर्यांनी आत्तापासूनच त्याची काळजी घेण्याचे आवाहन करण्यात येत आहे. उत्पादक शेतकर्यांनी शेतात साचलले पाणी तातडीने बाहेर काढले पाहिजे. जमिन जास्तीत जास्त काळ कोरडी कशी राहिल, याचा विचार करावा. तसेच तज्ञांच्या मार्गदर्शनाखाली उपाययोजना करण्याचे आवाहन कृषी विभागाने केले आहे.
…
कांद्याला ‘करपा’चा धोका
अतिवृष्टीमुळे शेतात पाणी साचले आहे. त्यामुळे कांदा पीकावर करपा रोगाचा प्रादुर्भाव वाढण्याची शक्यता आहे. शेतातील पाण्याचा निचरा करुन तातडीने आवश्‍यक रासायनिक औषधांची फवारणी केली पाहिजे. पावसामुळे कांद्याचे बियाणे खराब झाले आहे. कांदा लागवडीवर त्याचा परिणाम होण्याची शक्यता वर्तविली जाते.
…प्रतिक्रिया
मेपासून सातत्याने पाऊस पडत असल्याने पीकांना पुरेसा सूर्यप्रकाश मिळालेला नाही. परिणामी, द्राक्ष बागांची काडी परिपक्व झालेली नाही. त्याचा उत्पन्नावर निश्‍चितपणे परिणाम जाणवेल. येत्या महिन्याभरात द्राक्षाचे संपूर्ण चित्र स्पष्ट होईल.
-डॉ.राकेश सोनवणे, सहायक प्राध्यापक (कांदा व द्राक्ष संशोधन केंद्र, पिंपळगाव बसवंत)
…
द्राक्ष निर्यात (क्षेत्र हेक्टर)
बाब…………..२०२२-२३……..२०२३-२४…….२०२४-२५
ग्रेपनेट नोंदणी….३१९२३……….२८४६०……….२८९६४
द्राक्ष प्लॉट नोंदणी..२०४३१……..१८२१४……….१८५३७
नोदणी तालुके……..१३…………..१३…………..१३
निर्यात टन…………१५३४६५……१५६९०५……१५६३५९
