मराठा हायस्कूलमध्ये विद्यार्थ्यांनी प्रदूषणमुक्त दिवाळीची घेतली शपथ

नाशिक : मराठा विद्या प्रसारक समाज संस्थेच्या येथील मराठा हायस्कूलमध्ये सकाळ व दुपार सत्रातील विद्यार्थ्यांनी दिवाळी सण प्रदूषणमुक्त पद्धतीने साजरा करण्याची शपथ घेतली. याप्रसंगी व्यासपीठावर मुख्याध्यापक पुरुषोत्तम थोरात,उपमुख्याध्यापक संजय ठाकरे,पर्यवेक्षक देविदास भारती,विजय पवार व प्रताप काळे उपस्थित होते.
विद्यार्थ्यांनी दिवाळी सण पारंपारिक आणि पर्यावरणपूरक पद्धतीने साजरा करण्याचा निर्धार याप्रसंगी व्यक्त केला. कंदील, तेलाचे दिवे व नैसर्गिक सजावट करून सण साजरा करण्याचा संदेश देत विद्यार्थ्यांनी समाजात जनजागृती निर्माण करण्याचा संकल्प केला. या उपक्रमामुळे स्वच्छ शांत आणि सुरक्षित दिवाळी साजरा करण्याचा सुंदर संदेश विद्यार्थ्यांना देण्यात आला. सकाळ सत्रात सविता जाधव व दुपार सत्रात सुनील कदम यांनी सदर शपथेचे वाचन केले.